Stokgolmyň iň bir adaty köçesinde iň bir adaty tamyň depesinde Karlsson atly adamjyk ýaşaýar. Onuň ullakan tüsseçykaryň arkasynda, gizlençek ýerde öýi bar. Bir gün ol aňyrdan uçup gelip, aýnadan içeri girýär-de, ”Men dünýäde iň ökde bugmaşyn sürýänçi” diýip, özüni tanadýar. Şol günden başlap, Karlsson bilen bu köpgatly tamyň dördünji gatynda ýaşaýan Körpe dost bolýarlar. Karlsson dostuna bugmaşyny nädip işletmelidigini görkezýär. Üçekde ýaşaýan adamjygyň gepine ynansaň, onda ol ähli ugurdan birinjilik. Aýratynam oýun oýnamakda, dünýäde Karlssona taý geljek dost ýokdugy jedelsiz.